Mario Gomezek (ahotsa eta gitarrak), Carlos Jover Cuencak (harmonika eta ahotsa), Jorge Gomezek (bateria) eta Fabi Akarregik (kontrabaxua) osatzen dute Blues Morning Singers. Duela 10 urte hasi zuten ibilbide hau, Mississipi eta Chicagoko blues kutsu nabarmenekoa. Orain, lan berria prestatzen ari dira eta, horretarako, Jorge Gomez (bateria) Javier Alzola (saxofoia) eta Alberto Trigueros (teklatua) batu zaizkie.

Abesti berriei forma ematen segitzen duten arren, jarraitzaileak girotzeko, Confusion Woman kanta aurkeztu dute.

Gaztelupeko Hotsak diskoetxetik adierazi dutenez, «soinutegi berri osoan bezala, hainbat baliabiderekin konbinatzen dituzte musikariok bluesaren erroak, generoari estutu bat gehituz. Entzun besterik ez daude, adibidez, baxu boteretsu horiek». Gehitu dute, bestalde, «ingelesezko letraz, musikaren bidez gauzak, istorioak, sentsazioak eta pentsamenduak adierazteko gogotan» datozela.