Itxita otsailaren 8ra arte.
Zigor administratibo bat dela kausa, urtarrilaren 9tik otsailaren 8ra Bilboko Kafe Antzokia itxita egongo da. Honenbestez bertan behera geratuko dira tarte horretan programatuta zituzten kultura ekitaldi zein ostalaritza zerbitzu guztiak.
Denbora horretako ekitaldietarako erositako sarreren itzulketa nola bideratuko dituzten jakinaraziko dute datozen egunotan. "Gure gogo eta asmoetatik kanpoko arrazoiak dira ixtera behartu gaituztenak, beraz, egoera ulertu eta eragozpenak barkatuko dituzuela espero dugu", diote Antzokiko arduradunek.
Otsailaren 9an, berriz irekita eta ohiko zerbitzuak eskaintzen aurkituko duzue Kafe Antzokia.
ENTZUN!-EN OHARRA: GURE AGENDAN KAFE ANTZOKIKO URTARRILEKO KONTZERTU GUZTIAK ETA OTSAILEKO BATZUK SARTUTA DAUDE. EZABATZEN SAIATUKO GARA, BAINA BEHAR BADA EZBATU GABE GELDITUKO DIRA BATZUK. KONTUTAN IZAN DATA HORIEK EZ DUTELA BALIO OTSAILAREN 9A ARTE.