Weekend Beach Festival jaialdia erreferentziazko hitzordua bilakatu da musika festibal handiak gogoko dituztenentzat. Torre Del Mar (Malaga, Espainia) herriko hondartzan egiten dute, aurten uztailaren 1, 2, 3 eta 4. egunetan.
Kartel potoloa dakar, kontzertu-sorta erakargarri eta anitza, eta tartean bada euskal ordezkaritza: Belako. Bizkaitarrek post-punk ukitua eramango dute elektronika, teknoa, rumba, popa, doinu latinoak eta beste hamaika estilo nahastuko dituen eszenatokira.
Antolakuntzak iragarri dituen azken hiru izenak Orishas kubatarrak, Rels B izar urbanoa eta Banners errebelazioa britainiarra dira. Hala ere, zerrenda luzea konfirmatua zuten lehendik: La Habitación Roja, Bauer, The Hives, La Polla Records… etab.
Informazio osoa: www.weekendbeach.es