Trovam Pro Weekend musikaren azoka profesionalaren bederatzigarren edizioa azaroaren 3tik 6ra egingo dute Castellonen.  Proposamen artistikoak aurkezteko deialdia martxoaren 31a arte egongo da irekita. 

Lehen aldiz Basque. Music. plataformak showcase bat antolatuko du musikaren topaketa profesional honetan. Kontzertuan parte hartzeko aukeratuko den proposamena jaialdiaren deialdi ofizialetik bideratuko dute. Horretarako, Basque. Music. Showcase-an parte hartu nahi duten musikariek deialdi ofizialean eman beharko dute izena martxoaren 31a baino lehen.

Trovam Pro Weekend-en antolakuntza arduratuko da showcase honetan parte hartuko duen bakarlaria edo taldea aukeratzeaz. 2020ko edizioan Zetak taldeak parte hartu zuen Basque. Music. showcase-an.