1998. urtetik ez genuen Lapurdiko kantariaren berezko kantu berririk jaso. 2000. urtean George Brassens-en kantuen bertsioez osatutako disko sotil eta ederraren ostean, oraingoan berriro bere mundura dator Anje Duhalde, bere ahotsaren sujerentzietan oinarriturik, rock-blues-folk estiloetan emaniko aire herrikoi, sentikor bezain baikor eta aurrerakoiekin, Elkar diskoetxeak jakitera eman digunez.
Produkzio artistikoaz Rafa Rueda arduratuko da, eta Mikel F. Krutzaga izango da soinu teknikaria, Anje Duhalderen disko berri honen kalitatea zein profesionaltasuna bermatuz. Aurkezpena irailaren 14ean izango da.