Bi urte inguruko lanaren ostean, otsailaren amaieran kaleratu zuen Herriko Burdinak "Altzairu Goria" izeneko bilduma. Bertan 15 euskal talderen musika batu zuten; ustez gure lurraldeko altzairu goria islatzen zutenak. Bildumak nola funtzionatu duen jakitea goizegi den arren, aurrera begiratu nahi dute Ortots burdin hotsak zigilutik. Ondorioz, jarraipena edo bigarren bilduma izango dena prestatzen hastea erabaki dute.