Ekitaldiak goizeko 11etan hasiko dira. Ordu horretan partaideak plazan bildu ostean, herriko kaleetan zehar kalejira bat egongo da. Ibilaldiak plazan izango du amaiera, eta bertan eguerdiko emanaldia izango da 13:30ak aldera. Kontzertu honetan eskola ezberdinetako albokariek albokarako errepertorioaren berritasunak eta ohiko kantuak aditzera emango dituzte. Jarraian herri bazkaria egongo da, ikusentzuleei ere irekia.
Arratsaldean, inprobisaturiko bazkalondokoaren ostean, Sorginetxe elkarteak emandako hiru albokak zozketatuko dira 18:30etan, 19:00etan hasiko den arratsaldeko kontzertuaren aurretik. Aurtengo emanaldirako bi talde gonbidatu ditugu, albokak Iberiar Penintsulan dituen ahaideak erakutsiz. Lehengo taldea Miguel Navak eta Rafa Martinek osaturikoa da, Madrilgo