Neomak - AIOIAI

2022an argitaratu zuen Neomak zazpikoteak lehen lan homonimoa, zazpi abestik osatutakoa. Euskal doinu tradizionalak gaurkotuta eta beste hainbat musika estilo garaikiderin nahastuta sortu zituzten, besteak beste, Ilargiak, Hamen edota XXI. mendekua kantak.

Hain justu hiru pieza horietarako ikus-entzunezko bana sareratuta zuten honezkero, eta laugarren bideoklip bat zabaldu dute orain: Aioiai single berriari dagokiona.

Musika eta hitzak Neomak-eko kideek konposatu dituzte. Harremanetan egiak duen garrantzia goraipatzen dute zazpi neskek, eta arduragabekeria emozionala salatzen dute. Musika-ekoizpenaz Jimbo Paez arduratu da. Grabazioa eta nahasketa Haritz Harreguyrekin egin dituzte, eta masterizazioa Victor Garciak hartu du beregain.

Ikus-entzunezkoa, berriz, Badator etxeak ekoitzi du Ane Berriotxoaren zuzendaritzapean. Neomak-eko zazpi neskak dantzari talde zabala izan du alboan, koreografia landua osatu dute, eta estetika zaindua.

Single hau disko berri baten aurrekaria izan ote litekeen airean dago. Edozein kasutan, irailerako bi hitzordu baieztatu dituzte:

Irailak 29: Urnieta
Irailak 30: Orio

Horren ostean, Korea eta Japonia aldera egingo du zazpikoteak, Sua taldearekin batera Asiako herrialde horietan aurreikusita duten kontzertu-sortari heltzeko.