Ain_1 musika taldea 2007an sortu zen Arrasaten Bilgune Feministak antolatutako poesia irakurraldi bat aitzakia hartuta. Egun, Arrasate, Gasteiz eta Bergarako bost lagunek osaten dute taldea. Ain_1eko neskak ez dira plaza handien zale, erosoago daude areto txikietan eta taldearen zuzenekoetan musika, poesia, dantza, ikus-entzunezkoa zein bestelakoak aurkituko ditugu, goxotasuna, malenkonia, kezka, maitasuna eta beldurra nahasten direlarik.

Behin baliabide eskasekin auto-grabatutako Gure abestia iristen den lekuetaraino izeneko maketa kaleratu eta gero, orain, 2011ko udaberrian Ander Barriusorekin Eibarko Legarre Estudioetan grabatutako Musika kaxa (MusikHerria) aurkeztera datoz. Musika kaxa zabaldu eta soinu egiten hasi da...

Hauxe musika kaxarekin ireki eta musika kaxarekin ixten den kantu zerrenda:
01. Musika kaxa
02. Hau ez da leku bat
03. Zaila
04. Naufragoa eta ohola
05. Itxi begiak
06. Zertarako ote nuen musika kaxa bat
07. Lerro gainean puntua
08. Beharra
09. Suaren buelta
10. Beldurra nabari zaizue
11. Gaban arnasa
12. Musika kaxa