Abesti berri baten konposaketa-lanari ekin dio En Tol Sarmiento talde arabarrak. Baina sormen prozesu berezia izango da honakoa, kanta berri hau “elkartuko gaituen abestia” izan dadin nahi dute eta; zaleen ekarpenekin osatuko dute bere, eta, larrialdi egoera hau gaindituta, lagunekin egoteko aukera zabaltzen denean ateratzeko asmoa dute.
Sormen prozesu kolektiborako deialdia Instagram bidez egin dute. Momentuz, kantaren hitzetatik hasi dira. Parte hartu nahi dutenek astebeteko epea dute pare bat esaldi idazteko, nork bere nahia eta desiren inguruan.
Aurrerago, hurrengo urratsen berri emango dute Instagram bidez, baita ere.