Amorante

Klikatu argazkien gainean handiago ikusteko

Hendaiako Borderline Fabrikak 5. harria jarriko du. Edo, beste era batera esanda, badator Borderlin Fabrikaren 5. Harria Festibala! Urriaren 12tik 15era bitarte izango da eta musika, antzerkia, zirkua, queer kabareta eta bestelako ikuskizunak hartuko ditu.

Propio musikari eskainitako eguna bigarrena izango da: urriak 13, ostirala. Batetik, Amorante (Elgoibar) artistak lan berria aurkeztuko du: Herri Harri Har. Eta, bestetik, Lurodei talde baionarra ere ariko da zuzenean; doinuak ahotsen harmonian oinarritzen dituen emankizuna ekarriko dute azken horiek. Kontzertuak 20:30ean hasiko dira Borderline Fabrikan bertan, eta sarrerak online eskura daitezke 7-10€ren truke.

Hirugarren egunean (urriak 14), antzerkia, performancea eta zirkua izango dira protagonista. Eta, ixteko, urriaren 15ean, Les Ribbines konpainiaren Chaô ikuskizun ibiltariaz gozatzeko aukera izango da.

Egitarau osoa HEMEN