Glaukoma Gipuzkoako herri ezberdinetako bost gaztek osatutako proiektu musikalaren izena ere bada. Irun, Donostia, eta Tolosako gaztez osatutako boskotea (bateria, baxua, bi gitarra eta ahotsa). Nahiz eta hasiera batean kontrakoa pentsatu dezakegun, ez gara rock talde batetaz ari. Ez eta post-rock edo punk talde batetaz. Glaukoma rap- reggae talde bat da, bi estilo hauek inguratzen dituzten musika estilo beltz ezberdinetatik edaten duena. Roots reggae gozoenetik jungle gogorrenera, raparen gordintasunetik eta raggamuffin melodikoenetik igarota. Kalima da haien hirugarren lanaren izena eta Donostira aurkeztera datoz.
Nizuri Tazuneri Rap bikoteak lehen diskoa argitaratu du: Musika ala hil (Taupaka elkartea, 2017). Lan honetan Fani eta Norrzone raperoen mezu ozenak entzun daitezke, hamaika kantuz osatutako LP bizia eta indartsua. Japoniar eta euskal esamoldeekin hitz-jokuak egiten dituzte beraien abestien izenburuetan.
Sarrera 7
Sarrera 6