Urtero, martxoaren 8an, Ubeda familia bildu izan da osaba Sebas gogoratzeko, Guardia Zibilak segada batean bera eta Zarra erail zituenetik. 1977ko egun horietan, manifestazioak eta erreakzioak ugari izan ziren, bertsio ofizialak ez zuen sinesgarritasunik, ohikoa. Horren berri eman behar zuen Loiola Irratiko kazetariak emisioa moztea erabaki zuen, hobe isilik egotea gezurrak kontatzea baino. Txanponaren beste aldean, herri baten esnatzea gertatzen ari zen, banan banan, hostoz-hosto, Euskal Herriko udaberri berrian, loraldi berria esnatzen den bezala.
Musika doktoreak hala aginduta, diskoa egitea erabaki dute Ubedatarrek, horrenbeste min eragin dienari aurre egiteko, zauria sendatzeko, korapiloa askatzeko.
Disko intimoa, gertukoa egin dute Bide Ertzeaneko Imanol Ubedak (ahotsa, gitarra, harmonika), Jon Ander Ubedak (baxua) eta Karlos Aranzegik (bateria). Boskote izatetik