Ikuslegoaren partetik, nahiko jende hurbildu zen, batez ere azken aldian egon diren dezepzio sonatuak kontuan hartuta. Gau honetan behintzat itxura polita zuen Rock Star Live aretoak.
Dena den, Tako jotzen ari zela izan zen ikuslerik gutxien. Ez dut ulertzen nola, horrelako historia duen talde bat jaialdia irekitzen jarri dezaketen. Zoritxarrez, gutxi batzuk izan ezik, ikuslegoak ez zituen abestiak ezagutzen, eta ez zekiten oholtza gainean dena ematen ari zen taldea zein arraio zen. Mariano Gil liderrak zuzentzen duen banda 1984tik ari da egurra ematen, inoiz irrati formulen edo bestelako presioen aurrean belaunikatu gabe. Gaueko onenak izan ziren, zalantza izpirik gabe, beraien garai guztietako abestiak eskaini zizkigutelarik, betiko himnoak ahantzi gabe: