Georgiako taldearen lehen aroa biltzen du bilduma honek. Guztira 11 bideoklip, telebistarako zenbait emanaldi, taldeko partaideek bildutako eta prestatutako zenbait irudi eta elkarrizketak biltzen ditu DVDak.
Bideoen kalitatea gorabeheratsua da: batzuk originalak eta jostagarriak diren bitartean, besteak aspergarriak suertatzen dira zentzu askorik gabeko irudiak txertatu direlako. Edonola ere, interesgarriena telebistarako emaniko zuzeneko kontzertuak dira. Bertan ikus daiteke taldearen indarra gaztetasunak ematen zien sormen guztiarekin.