Gasteizko hardcore metal taldeak zuzenean daukan indarraren erakustaldia da DVD + CD lan hau. SA-k 2003 urtean argitaratu zuen bere azken diskoa, Tiempos Oscuros, eta ordutik ez dute material berririk kaleratu. CD + DVD honek taldearen azken bira jasotzen du. 21 abesti (120 minutu baino gehiago) hainbat eszenatokitan grabaturikoak. DVDak beste 70 minutu estra dakartza, non
Ciencia asesina, Polvo en los ojos eta
Piedra contra tijera bideoklipak ikusgai diren (aipatutako lehena baliabide gutxirekin egina, baina oso esanguratsua), eta baita lehendabiziko kontzertuen irudi aukeratuak ere (oso ona; esaterako, Gasteizko gaztetxean ageri dira 90eko hamarkadaren hasieran). Mexiko, Japonia, Argentina eta Txilen emaniko birak ere jasotzen dira DVDan. Lan mardula, luzea eta osoa. Vi