Hainbat eta hainbat taldeen eskuetan agortutako formula bat dirudien arren, ohiko gitarra-baxu-bateria soinuaren mugak ezezagunak dira oraindik. Esploratu ahal izateko eremu zabalak daude oraindik eta horixe da Brooklyn-eko Sightings hirukote paregabe hau erakustera datorrena.
Through the Panama taldearen seigarren lana da eta aurrerapauso galanta zalantzarik gabe. Inoiz izan dituzten estudio kondizio hoberenetan eta Andrew WK ospetsuaren produkziopean grabatu dute eta aukera ezin hobe aprobetxatu. Aurreko lanetan erakutsitako intentsitate basati eta ebakortz horren pittin bat galdu gabe, soinuari distira atera diote, une bortitzenetan zorroztu egin dute, lasaienetan leundu eta