Urteak dira Dj Yulian rap biniloak txikitzen hasi zela. Madrilen bereziki ugariak dira disko jartzaile honek girotu dituen festa eta kontzertuak. Txanpinoiak bezala ugaritzen diren estatuko rap taldeen kantuak jasotzen dituen bildumetan ere parte hartu izan du eta orain, dagoeneko ia-ia derrigorrezkoa den pausoa eman du, musika egin eta musika horrekin diskoa kaleratu. Oro har, estatu mailan egiten den rap musikaren jarraipena da diskoa, landuegiak ez diren baseak, jazzari keinuren bat tarteka (instrumentu organikoekin), platoekin duen trebeziaren erakusgarri diren kantuak (turnablism teknikak) eta beste disko edota filmetatik ateratako sanplerrekin apaindutako kantuak. Ezagunak egiten ari diren abeslarien derrigorrezko kolaborazioak ere daude: Nach, Toteking, Falsalarmako Tito eta El Santo, Zenit, Artes eta Bajo M