Hoggboy taldeko jaioterria Sheffield hiri industriala da. Grisa eta euritsua. Horrek euren musikan eragin duen jakiterik ez badugu ere, argi dago Seven miles of Love, taldearen bigarren lana, oso ongi sartzen dela rock&roll soinuetara trebatua dagoen belarrietan. Kantuak ongi josita daude eta soinua oso gihartsua da, gitarzalea eta zaratatsua. Adibidez, 400 boys lehen abestiak erakusten duen kemena ez da ilusio faltsu bat. Mailari eusten dio diskoak lehen kantutik azken kanturaino. Azkarregia ez den Shoot me edota Sorry aditzea besterik ez dugu hori halaxe dela ziurtatzeko. Adibide gehiago: So alone eta You