Nostalgiak eragin dezakeen malenkonia bezalatsua da Saudade diskoa. Barnerakoia, bakarrik entzutekoa, tristea, biluzia, artifiziorik gabea. Sinesgarria lehen negarretik (Desaliento) azken malkoraino (Paramour). 1995ean argia ikusi zuen estreinako aldiz eta orain Madrilgo Elefant records diskoetxeak berrargitaratu du digi-pack formatuan (berriz masterizatua eta Javier Aranburuk moldatutako azal txukunarekin dator). Kasik hamar urte pasa dira Ibon Errazkinek eta Teresa Iturriozek abesti sorta hau idatzi zutenetik. Baina susmoa dugu Saudade denbora gabekoa dela, esan nahi baita zahartuko ez dela urteen poderioz. Zahartzen ez diren moduan Saudadek biltzen dituen izakien kezka unibertsalak: amodioa, desamodioa, tristura, nostalgia