Bilboko saxo joleak jazz musikan sakontzen duen lan berria kaleratu du Gaztelupeko Hotsak-ek bere Errabal azpizigiluaren bidez ekoitzitako lanean. Joaquin Diaz pianoan, Curro Galvez kontrabaxuan eta Marc Ayza baterian izan ditu taldekide Bartzelonan eginiko grabaketan, bertan baitarama De Diego aspalditik jazz musika jorratzen. Saxofoi-joleak zortzi abesti bildu ditu Oraindik ametsetan diskoan, eta horietatik hiru euskaraz izendatu ditu: Hori da, Lortzeko bidea eta Baketsu, guztiz instrumentala den lan interesgarria osatzeko. Izan ere, De Diegoren jazza izen handienen musikatik edaten badu ere (Bird, Miles, Coltrane) eragin garaikideetara hurbiltzen da, tartean balada melodikoak eta erritmo funki batzuk txertatuz.