Berlin inguruan sortutako seikote honek bere hirugarren diskoa plazaratu berri du. Micatone nu-jazz eta downtempo elektronika musikaren ildoan mugitzen da, Jazzanovak egiten duenaren antzera. Nomad Songs honek Tortoisen moduko musika moldaketak (Where I am: Part 2), reggae erritmoak (Trouble Boy), balada gazi gozoak (Where I am & You have taken all) eta folk doinuak (Nomad & Mars Reprise) dakartza. Oro har soul-elektronika estiloaren barruan koka daiteke lan hau. Aipagarria da instrumentu guztiak zuzenean grabatu direla estudioan.