Kataluniako Sant Pere de Riudebitlles herritik dator Revolta taldea. No oblidis mai (Inoiz ez ahaztu) da kaleratu berri duten diskoaren izenburua, non metal, hardcore eta punk estiloen nahasketa interesgarri bat entzun dezakegun. Estilook oso modu naturalean urtu dituzte soinu oso eta berezko bat lortze bidean. Atal erritmiko indartsu batek ahalbidetzen du hori. Soinu-bortizkerian muturrik sartzen ez badute ere, indartsu ekiten diete lan honek biltzen dituen 13 kantuei.