Azken hamarkadetako metal talde handienetako baten (Pantera) errautsetatik plan berria dator, Damageplan! Bi aurpegiko disko batekin etorri zaizkigu; A eta B aldeak izango balitu bezala, zazpina abesti alde bakoitzean. A aldea basatia eta potentea da: Panteraren soinua gogora ekartzen digu riff-etan, bonbo bikoitzaren erabileran eta Phil Anselmoren ahotsarekin duen parekotasunean. Nahiz eta batzuetan hardcorerantz eta rockerantz hurbiltzen den, Panteraren jarraitzaileei gustatuko zaie, ziur. B aldea xamurra da: honetan rockean murgiltzen da taldea abesteko era melodikoagoa, koroak eta halakoak baliatuz. Paradise Lost-en azken garaia, Nickelback eta halakoak gogora etorri zaizkigu. Bi talde disko batean?