Pop garaikideenak terroristarik bilatuena izendatu beharko balu, Princess Superstar titulu hori irabazteko hamar hautagaien artean egongo litzateke. Freak bezain garratza, My machine diskoa farandula musikalaren barruan dabiltzan pertsonai freakyenetako baten profezia musikala da. Tipoa Conccetta Kirschner da, New Yorkeko artista egodun eta anti heroia, Princess Supertsar ezizenaren atzean ezkutatzen dena. Diskoa, abesti eta hitz parrasta apokaliptikoen nahasketa bat da: hip-hop, punk, Miami bass, dub, techno eta rock and rollaren metaketa futurista eta suntsitzailea, Arthur Bakerrek oso ongi ekoiztutakoa. Disko honetan kolaboratzaile ezagunek parte hartu dute, hala nola Todd Ferry, Junior Sanchez, DJ Mighty edota Armand Van Helden musikariek. Abesti suntsitzaile eta probokatzaileenetako batzuk sinatu dituzte hauek. Munduaren amaierarako groove sintetiko eta kutsakorra.