Azaleko argazkiak adierazten duen moduan, Tindersticks taldearen musika ere barruko landarea da, eguzkia gutxitan ikusi duena. Eta Stuart A. Staples denez talde horretako ahotsa (hori baino gehiago ere) ez duzu alde handirik aurkituko disko honetan. Edukian sartuta, aurreko susmoa baieztatu baino ez da egiten. Diskoa %100 Tindersticks da, Nottinghamekoen hari beretik gozatu ala sufritu ahal izango duguna (aurrenekoa bigarrena baino gehiago zorionez). Iluna eta sentikorra da (Springsteenen Nebraska eta Cabaret Voltairen Voice of America omen ziren abeslariak gehien entzuten zituen diskoak hau idazten ari zela). Ama taldean ohizkoak diren emakumezko ahotsak Gina Fosterrek ipini ditu eta ezohikoak diren saxo eta gainontzeko metalak Terry Edwards jaunak. She don