Taldea berriro ere batu, aldaketak egin eta sei urteren bueltan Azrael taldekoak inoiz baino askeago itzuli dira. Mafia eta Dimension IV disko bikainei esker Espainiako heavy metalaren loraldi berrian berezko estiloarekin nabarmendu eta puntu gorenera iritsi ziren. Dena dela, taldea hautsita geratu zen abeslaria, bateria eta teklatu jotzaileak alde edo bota ondoren. Unerik gozoenean dena bertan behera utzi zuten. Bost urteren bueltan, taldea Miguel abeslari berriarekin eta Maolo bateri jotzailearen itzulerarekin osatuta lan berria prestatzen hasi ziren.
Honela, iaz Libre izeneko bosgarren diskoa argitaratu zuten. Aske eta irekiagoa argitalpen aldetik zein musikalki. Izaera galdu gabe, Azrael taldekoek ere hard rock musikaranzko joera hartu zuten. Espainiako talde askorekin gertatu den bezala. Eboluzioarekin kolore gehiago hartu du andaluziarren musikak. Melodiak tarte gehiago du Libre diskoan. Hard rock esentzia erabatekoa da Todo-Nada , Sigues Ah