Dibertigarriak eta atseginak, modaz gaindiko musika egiten dute The Nearthentals hauek. Haitzuloetako garaje eta rock&rollaren erregeak dira Munsterrekoek helarazi diguten promo orriak dioenez, eta tira, bat gatoz promo orriarekin. Laugarren diskoa dute In Space hau eta bertan surf instrumentalak, rock&roll primitiboak eta twist dantzagarriak aurkituko ditugu, beti ere gustuarekin belarrietaraino helarazten dizkigutenak. Guztira hamabost kantu dira, tartean John Lennon-en Across de Universe, David Bowieren Space Oddity eta Louis Primaren Beep Beep kantuen berrirakurketa bere-berezkoak dakarzkigutela. Eddie Angel (Los Straitjackets) eta enparauek espazioan barrena eurekin bidaiatzeko egin gonbiteari ezetz esan behar diezu?