Orri hauek zure begien aurrera iristen direnerako, segur aski entzunda izanen dituzu Alemaniako seikote honen azken apetak, zeinak euren Lp berrian bildu dituzten. Hala ez bada, zortea alde daukazu, bere lanei hilezkortasunaren dohaina eskaintzen dien talde horietakoa baita Jazzanova. Han-hemen birnahasketa lan potoloa eta zabala egin ondotik (ezinbesteko bilduma batean bilduta), falta zitzaien formatu bakarra egiteari ekin diote: iraupen luzeko diskoa, alegia. Disko borobila da, konpaktua, zeinean euren musika-eremu ia guztia erakusten diguten. Hori guztia, kolaboratzaile zerrenda askotarikoa eta zabal batekin