Get lost (1996) eta 69 love songs (1999) azken hamar urteotako bi gailur dira lerro hauek idazten dituenarentzat, Stephin Merritt pop konpositore izugarria dela egiaztatzen duten maisulanak. Eta I disko berriak aurreikuspen guztiak betetzen ditu. Aurreko diskoak gustatzen bazaizkizu, gustatuko zaizu I. Alderantziz bada, ez gerturatu. Hala eta guztiz ere, I-k baditu aurreko diskoetatik aldentzen duen elementurik. Adierazgarriena, zalantzarik gabe, sintetizadoreak ez erabili izana da. Horien ordez, banjoak, ukeleleak eta biolontxeloak erruz sartu ditu taldeak, eta ondorioz, nolabait aldendu egin da aurreko diskoen techno-pop soinutik. I thought you were my boyfriend-ek badu oraindik aztarnaren bat, baina gainerakoa pop kantu zuzen eta doinu intimisten artean banatzen da. Diskoaren lehenengo partean pop abesti zoragarriak bildu ditu (I don