Diskoaren alde batetik bestera saltoka, dantzan, pellokerietan dabil Adam Green, orain kabaret aurkezle bihurtuta, orain country dislexikoaren errege, eta tarteka, hori bai, egundoko kantu puskak eskaintzen. Umorea (beharrezkoa Carolina eta vagina hitzak errima berean sartzeko) akordeen administrazio zehatza eta freskotasun handia, hori da Gemstones honek erruz daukana. Aipatzekoa da Adam Greenen ahotsak hirugarren lan honetan hartu duen presentzia, lodi eta dotore Emily bezalako pop pieza borobiletan.