2005. urtean maketa kaleratu eta gero, Donostia Hiria Pop Rock Lehiaketa irabazi zuten (euskaraz abestuz hori egiten lehenak izan ziren, beraz badute zerbait). Beraien lehen lan luzean, pop zein rock doinuak nagusi dituen 14 abestitako disko batekin gauari omenaldia egitera datoz, punteatze laburrez eta gitarren soinu distortsionatuaz borobildutako Ez nintzen irten behar abestiak ongi azaltzen digun bezala. Kanta gehienak melodia bizi eta alaiak dituzte, festazaleak (Larrosa usainik ez, Gauari, Kale katu basatiak) nahiz eta badagoen piper pixka bat falta zaion abestiren bat, Non zaude? kasu. Bestetik, polita da oso koroetan Nortonek laguntzen dien Hemen abestia, laguna ziegara bisitan joatearen gogortasuna islatzen duen kanta, alegia. Itzela da ere Ane Laurobak abestutako