Bozoo Bajouren bigarren diskoa da hau, oraingo honetan !K7rekin kaleratua, hainbat urtetan Stereo Delux zigiluan 12 hazbeteko maxiak argitaratzen ibili ondoren. Dubaren egituretatik abiatuta, azken urteetan downtempoaren erreferenteetako bat izateagatik nabarmendu da bikote alemaniar hau, beti ere soul, reggae, jazz, R&B eta baita folkaren uretan ere nabigatzen jakin dutelarik. Disko berri honetan influentzia guzti horiek daude, nahiz eta aurreko lan zein abesti solteekin alderatuta, askotariko tempoak eta erregistro gehiago dauden. Killer pieza nabarmenduko genuke, Top Cat mikroan dagoela, eta baita Way Down blues elektronikoa ere, Ben Weaber-en eskutik. Bihotza poztu eta espiritua baretzen duten erritmo jamaikarrak.