De-Phazz taldearen aurreko lana (Death by chocolate, Universal Jazz 2001) aurkeztu genuenean urteko disko kuttunen artean izango genuela iragarri genuen eta horrela izan zen. Horretarako osagai guztiak zituen; jazza, soula, funkia, reggae-a eta musika elektronikoa 60. hamarkadako dotoreziaz jantzita. Pit Baumgartner-en proiektuak arrakasta komertziala lortzeko bidean zen eta horrela izan zen. Zuzenean ikusteko aukera ere izan genuen. De-Phazz-en disko berria entzuteko irrikitan ginen eta behin esku artean dugula aurrekoaren jarraipena dela ikusi dugu; aurrekoaren osagaiak mantentzen ditu dotorezi handiaz nahastuak. Disko bikaina beraz, baina... De-Phazz-en disko berria ez da gure aurtengo disko kuttunen artean egongo.