Galdera: Zergatik dira gehiago Jamaikatik kanpo ska-jazz estiloa lantzen duten taldeak Jamaikan baino? Beste erara esanda. Zergatik ez da gaur egun Jamaikan ia ska-jazz musikarik egiten? Zer gertatzen ari da ska-jazz musikaren sorlekuan? Zergatik ahaztu dituzte Jamaikan 60. hamarkadan arrakasta itzela zuten abeslari eta taldeak? Bizirik mantentzen direnak irlatik kanpo eman behar dituzte kontzertuak sosik atera nahi badute behintzat. Galdera horien erantzuna ezagutzea gustatuko litzaiguke. Eta bitartean, asko dira Jamaikan jaio gabe ska-jazz musikaren sukarra dutenak. AEBetan, Ingalaterran, Japonen, Frantzian eta Alemanian bizi dira horietako asko eta azken herrialde honetakoak dira Jazzboko taldekideak. 1997an, talde desberdinekin aritu eta gero, Johannsen anaiek Jazzbo taldea sortzen dute. Urteak eman dituzte jaialdi xume eta areto ketsuetan jotzen eta 1999an