Hilak lurpetik arterako ditu Zezenaren taldeak Badabum Badadum! izenburuko soinu artefaktuarekin. Sarritan, kostatuko zaizue haien abiadura segitzea, hain doaz bizi, azkar eta ero!

Taldekideei galdetzen badiezu, "Punky Boltxevik" musika estiloa jorratzen dutela erantzungo dizute. Ordea, ez dakigu sobera ongi horrek zer esan nahi duen, baina entzun duguna deskribatzen saiatuko gara: Balkanetako ijituei hartutako doinuak, folk bortxatua eta punk bizia. Dena batera saltsa bihurrian nahasia.

Kanturen batean gaitaren presentzia pixka bat gehiegizkoa iruditu bazaigu ere, ostikada galanta da disko hau, ipurdia ez ezik belarriak ere erreko dizkizuna!