Joel Gibb kanadarra da talde honetako gidaria. Hirugarren diskoa dakarte eskuartean eta berak adierazi duenaren arabera, lan hau gauzatzeko orduan erritual pagano, ilargi eta arima kontuetan oinarritu dira. Horrek ordea, ez du esan nahi disko iluna gauzatu dutenik. Joelek berak gauzatzen ditu abesti eta doinuak eta lan berria sortzeko pop eta rock nahasketa leuna erabili du, betiko instrumentuen laguntzarekin. Irailean Bilbon izan genituen eta nahiz eta jende gutxi gerturatu, emanaldi dibertigarria beharko zuen. Izan ere, publikoa eszenatokira gonbidatu eta instrumentuak eman zien haiek ere parte har zezaten. Emanaldi bitxia beraz. Diskoan ordea, ez da bitxikeri edo sekretu askorik. Kantu zuzenak dira, pop eragin argia erakusten dutenak. She