Jazz, funk eta elektronika (ska, reggae eta arabiar doinuen zertzeladak ere) eskaintzen dizkigu Bartzelona inguruan sortutako talde honek. Oinarria: bateria, gitarra eta batez ere teklatuetan egiten duten lana. (Aipa dezadan, bidenabar, orain gutxi zendu zen Jimmy Smith handia, hammond organoa jotzen aitzindaria izan zena, eta segur aski Asstrio-rengan eragina izan duena.) As soon as possible honetako abestiak instrumentalak dira, pare bat kantetan sartutako emakumezkoen ahotsak izan ezik. Diskoak alaitasuna helarazten du batez ere, esaterako Duke Ellington-en Caravan ospetsuaren bertsio groovia egiten dutenean. Aipagarria da era berean, Errabal zigiluak kaleratzen dituen beste ekoizpenetan bezala, digi-pack erako diseinu landua dakarrela CDak.