Erritmo biziak, alaiak, dantzagarriak, zaratatsuak. Hots, zapore balkaniarra, Danubio ibai ertzean kantuan dagoen ijito taldearen musika. Musika umoretsua ezbairik gabe, nahiz eta diskoko zenbait kantek dioten bezala, Balkanek bizi izan zuten gerraren orbainak oraindik herritarren aurpegietan dauden. Kantuen hitzak, pertsonen arteko maitasuna, adiskidetasuna zein kaleetako betiko istorioetatik at, herrialde hark jasan zuena kontatzen dute, gatazka politiko, erlijioso eta etikoek sortarazi zuten herrien arteko guda.
Insert Coin eta
Madre abestiek, Kaliforniako hardcore melodikoaren kutsua dute eta
Grito en alto aldiz, ska eta zelta doinuak nahasten dituen kanta bitxia da. Bestetik,
Juntos tu y yo abestia rockeroagoa da eta
Miro alrededor, Jaula de cristal zein
Las noches sin dormir kantek, betiko Boikot bizi dela gogorarazten digute, disko osoan zehar erritmo balkaniarrek presentzia nabaria duten arren. Aipatzekoa, tartean daudela Goran Bregovicen
Kalasnikov kantaren
Skalasnikov bertsioa, zein Emir Kusturikaren
Bubamara. Esan daiteke beraz, Boikot-ek, diskoa grabatu asmoz Bosniara abiatu zirenean zuten helburua lortu dutela, herrialde zigortu hartako errealitate sozial eta musikala, ongi islatuta geratu baita
Ameneci