Beren aurreko diskoan, The metropolitan death mini-Lp-an, Deloreanek lurralde elektronikora nahiz dantzarako lurraldera egindako behin betiko jauzia iragarri zigun. Duintasunez, baina nolabaiteko klitxe usainarekin. Disko honetan beren soinu eremu propioa aurkitu dute, house, sinte analogikoak eta ahots oso berezi baten bidez. Output zigiluaren ikuspegi musikal berean, LCD Soundsystem, The Rapture edota Check, check, check!!! gisako bandek punka elektronikara eraman dute Prodigy-k inoiz lortu ez zuen bidetik. Zarauztarrak muga musikal horietan barrena mugitzen dira punk iraganak ematen dien zilegitasunarekin eta baita beren oraina elektronikan aurkitzeko duten nahiarekin ere.