New York abiapuntu izan zuen Zaharregia, Txikiegia agian poesia eta musika ikuskizunak segidarik izan du eta disko-liburu formatuan eskuragai paratu du Gaztelupeko Hotsak zigiluak. Musika atalaren gibelean lau izen aski ezagun aurkituko ditugu: Mikel Urdangarin, Bigen Mendizabal eta Rafa Rueda musikariak eta Kirmen Uribe idazlea. Diskoarekin datorren liburua apaintzeko ardura berriz Mikel Valverde ilustratzailearena izan da. Entzun!ek Kirmen Uribe idazlearengana jo du hau guztiari buruz lehen eskuko informazioa edukitzeko.