Familia arriskutsua
Umorea eta ondo pasatzeko gogoa baduzu hemen dira The Solanos. Siziliatik Euskal Herrira etorri eta ekintza ugari ari dira egiten azkenaldian Metak diskoetxeak argitaratu duen The Solanos (2005) diskoa aurkezteko. Hilketak, armak eta beste hainbat gertaera dakartza gurean gero eta gehiago zabaltzen ari den banda honek. Zu ere haien biktima izan zaitezke hurrengo kontzertuan. Proiektu honi buruz Xabi Solano taldekidearekin mintzatu gara, barkatu, Sabiatto Solanorekin.
Nondik dator taldea sortzeko ideia?
Bilbon Kontrabandaren azken kontzertua egin genuenean, parrandan Oscar Benasekin elkartu eta talde bat sortzeko ideiaz hitz egin genuen. Aurretik biran Ferminek trikitixa eta rocka lantzen zuen parrandarako talde bat egin behar nuela esana zidan eta hortik abiatuta urtarrilean hasi ginen taldea moldatzen. Sergio Patxeko, Joxe Ripiauko perkusiogilea, Saizar nire koadrilakoa eta Izeba Pilaren Ilobak taldeko Drogasekin osatu dugu taldea.
Badirudi diskoko abestiek jarraitasun bat aurkezten dutela, ildo berean doazela