Step down bartzelonarrak
Bartzelonatik datoz. Ez genituen aurretik ezagutzen, baina beren lehen diskoa, Steadiness, gure eskuetara heldu eta lehen riffa entzun genuenean taldeari darion energia harrapatu gintuen. Hardcore zapaltzailea eta metal errabiaduna, ahots urratu bikaina, eta gogora ekarri zizkigun ezinbesteko erreferentziak: 4 Ofakind garaiko D.R.I. (adibidez eta distantziari distantzia jarriz, Dead in a Ditch, Suit & Tie Guy kantuetan), old school garaiko hardcorea, Biohazard, Cro-Mags...
Xavi Navarro produktore ezagunak ekoiztuta, hamaika kantu biltzen ditu diskoak, eta batzuetan linealegia izan daitekeen arren, debut sendo eta indartsu baten aurrean gaude. Fedek (gitarra eta ahotsa) erantzun ditu luzatu dizkiogun galderak. Igo bolumena.
Aurkeztu zaitezte Entzun! aldizkariaren irakurleen aurrean. Nortzuk osatzen duzue Step Down?
V