Mehatxua egin genion: Edo Entzunen kamiseta janzten duzu edo ez zara aterako. Arg: Kepa Aginako.
Iban Gorriti (Durango, 1970) da Toubkal proiektuaren burua eta arima.
Kazetaria eta argazkilaria da eta Martxoak 31 eta Ainke taldeetako kide
izandakoa ere bada. Duela hilabete batzuk Nights of fun izenburuko diskoa
argitaratu zuen eta guk, berandu samar bada ere, harengana jo dugu
gehiago jakin nahiez. Izan ere, Nigts of fun diskoan bildu
dituen rock eta poparen arteko doinu eraginkor
eta atsegin hauek gure atentzioa jo baitute.
Nights of fun da zure azken lana. Zerk desberdintzen du zuren lehen diskotik?Lehendabizikoa, Aiur nire semea jaio zenean sortu zen. Bera bezala, oso lasaia izan zen, barea, magikoa... Bigarren diskoa Aiurrek bi urte bete zituenean atera zen, eta bera bezalakoa da: jostalaria, bihurria, mugitua... baretasuna galdu gabe ordea. Gauez grabatu zen osoki lo orduei denbora kenduz, musikari bikainekin. Soinu kalitatea ez zen espero genuena izan, baina tristea da oso kritikariek bakarrik grabazioan inbertitu duzun diruagatik zu baloratzea: kritikari horiexek The Beatlesen lehen diskoak arbuiatuko lituzkete.
Zure eragin musikalak zeintzuk dira? Eta konkretuki, nondik edan duzu azken lana gauzatzeko?Estresak musika geldora eraman ninduen. Egun gozatzen dudana da. Parrandan nagoela nahiago dut ka