2007-02-11
Nabarmentzeko ibilbidea egin ondoren, Lekeitioko talde mitikoak 2001. urtean atseden hartzea erabaki zuen esperientzia berriei bide egiteko. Hortaz, atseden partziala hartu zuten. Berehala ezagutu genituen Txapelpunk, Pin Pan Pun Band, Uek, Nok edo Afrika proiektu berriak. Baina bihotzean zeramaten iragana baztertu ezinik 2006ko urtarrilean taula gainera igo ziren berriro ere. Ordutik, makina bat kontzertu eskaini eta aro berriak bultzatuta Apurtu Arte (Baga Biga, 2008) lan berria plazaratu dute. Bizkaitarren erro musikaletara eramaten gaituena.
2007-02-08
Zuzenean entzuteko moduko taldea da Nuuk-at. Boteretsua, gihartsua eta abiadura bizikoa delako. Zornotzako laukoteak bere bigarren diskoa kaleratu du. Geisha du izena, eta horren barneko bederatzi abestietan, gitarren zorroztasunak, dezenteko konponketek, melodia gordinek eta Usoaren ahotsak (xuxurlati tarteka, garratz batzuetan eta bortitz besteetan) aipatutako giharrari eta abiadurari bide egiten diete. Bederatzi abesti. Landutako bederatzi danbateko. Rock and roll pisutsuaren eta azkarraren zaleek berandu baino lehen eskuratu beharreko eztanda elektrikoa da Geisha.