Zergatik Geisha?
Beno, hemen, Zornotza eta Bilbo artean, emagaldu batzuk egoten dira errepide bazterrean. Orain urte batzuk etorri ziren, eta egunero-egunero, hor egoten dira. Uste dut errumaniarrak direla. Ez dakit, geishek, betidanik plazera eman diete gizonezkoei. Hori izan da euren egitekoa. Eta beno, omenaldi baten modukoa egin diegu emakume horiei, metafora bat erabilita.


Baina emagaldu horiek ez dira geishen moduan jantzita joaten, ezta?
Ez, ez. Kar, kar, kar.


Non grabatu duzue diskoa?
Hemen Zornotzan, Idaba Musik estudioetan. Ni teknikari moduan ibiltzen naiz hor, eta beno, enpresa bat sortu dugu. Nahasketak, berriz, Iker Ezkurzak egin ditu.


Nolakoa izan da diskoaren sorkuntza prozesua? Gogorra?
Bai, bai. Behin lehen diskoa kaleratuta, lasaitu egiten zara, apur bat bada ere. Hori gertatu zitzaigun guri. Baina beno, kanta berriak sortu genituen, asko sufrituta izan bazen ere. Gainera, gure baxu jole ohiak, Jaimek, taldea utzi zuen diskoa grabatu ostean. Gogorra izan zen. Durangoko Azokarako atera nahi genuenez, di-da batean grabatu behar izan genuen.


Rock and Roll bortitzaren aldeko apustu garbia egin duzue, ezta?
Bai, bai, ez dago zalantzarik.


Abestiak pisutsuak dira, gihartsuak. Zenbaterainoko garrantzia eman diozue horri?
Beno, aurreko diskoa kaleratu eta gero kontzertu dezente eman genituen. Horietan ikusi genuen, jendeak rock tankerako abestiak askoz ere gehiago baloratzen zituela. Metala jotzen genuenean, ordea