Duela urte pare bat The Delgados-ekin jotzeko aukera izan zenuten Donostiako Gazteszena aretoan eta, bide batez, ezagutzera emateko.

Bai, Gazteszenako kontzertua aukera aparta izan zen jendaurrean gure abestiak aurkezteko.Ordura arte hainbat taberna eta areto txikitan kontzertuak eskainiak ginen eta ordura arte ez gintuen inork ezer berezirik esan. Han ordea, jende guztiak izugarrizko kontzertua eskaini genuela esan zigun eta oso pozik atera ginen. Asko eskertzen dugu Forkik eman zigun aukera hura, oso kontzertu berezia izan baitzen guretako. Gainera, hara kontzertuak ikustera joanak ginen sarritan eta leku berean kontzertua ematea gauza polita izan zen.

Garai haietan maketa bat zenuten kalean baina bigarrena ere prestatzen ari zineten.

Lehen maketa promoziorako bakarrik erabili genuen eta hortik atera zen Gazteszenako kontzertu hura eskaintzeko aukera. Ordurako, esan bezala, bigarren maketa prestatzen ari ginen. Serioagoa izan zen hura. Hilabete osoa eman genuen estudioan grabatzen eta nahasten, asko landu genuen guztia eta oso gustura gelditu ginen bigarren maketa honekin. Diseinu aldetik ere zerbait berezia egitea pentsatu genuen eta puztutako arrozaz egindako pakete batean saldu genuen maketa.

Hortik aurrera nahiko kontzertu eman dituzue.

Egia esan, maketa nahiko berandu kaleratu genuen. Nahiko denbora pasa zen grabaketatik kalean izan arte eta ordurako hainbat tokitan izanak ginen. Horien artean agian berezienak 12twelve talde bartzelonarrarekin Gijonen eta Tolosan emandako kontzertuak dira. Oso ondo moldatzen gara hauekin eta kontzertu politak izan ziren. Audience-kin ere hainbat kontzertu eman genituen.

Horietaz aparte aipatu beharra dago Donostiako Lugaritz kultur Etxean Caf