Zein da Manta Ray-k 2003rako duen Estrategia?

Aurten erabiliko dugun estrategia lan berria zuzenean aurkeztea izango da. Duela hiru urte gure azken lana kaleratu genuenetik hainbat proiektutan ibili gara: Swcharz talde murtziarrarekin egindako diskoa eta disko horren aurkezpen bira, Viva Las Vegas-en diskoa eta aurkezpen bira eta beste hainbat kontu. Orain lan berria kaleratu dugu eta lan hori aurkeztera goaz.

Nahiz eta jende guztiak gauza bera esan, disko hau Esperanza baino gordinagoa dela iruditzen zait, ilunagoa.

Bai, horrela da. Disko honetan ideia moral bat dago, daukagun amorru guztia bertaratu dugu. Esperanza-n erakutsi genuen edertasun guztia alde batera utzi dugu. Horretarako, zuzenean grabatu dugu estudioan, denok batera joaz, eta horrek lagundu digu emaitza lortzerakoan.

Gordintasun hori gaur egun gizarteak bizi duen egoeratik datorrela esan duzue behin baino gehiagotan