Aurkeztuiguzue labur-labur La Kinki Beat...
La Kinky musika egiteko gogoa duen jendeaz osatutako taldea da, eta hau bizitzeko modu bat bihurtu da. Taldea duela ia bost urte sortu zen eta ordutik ez diogu lan egiteari utzi. Orain gure hirugarren diskoa aurkezten dizuegu: Karate Beat.

Disko honetan elektronikaren aldeko apustua egin duzue. Zer dela eta?
Duela asko igartzen hasi zen eboluzioa dela uste dut. Elektronikaren eragin handia daukagu eta egin nahi genuen zerbait zen. Disko honetan askoz ere gehiago islatzen da. Ez diegu aldaketei beldur izan behar, batik bat sentitzen duzun zerbait baldin bada.

Halere, berriz ere estilo uztarketa handia dago diskoan. Zuen nortasunaren ezaugarri?
Askotariko estiloak nahasten saiatzen gara. La Kinkyrentzako zaila da musika mota batera mugatzea. Gustu eta eragin asko daude taldean eta saiatzen gara guzti hori islatua gera dadin.

7 Notas 7 Colores taldeko ekoizlea, Dive Diboso, nahasketetaz arduratu da. Nola sortzen da berarekin lan egiteko aukera?
Gure bateriaren Chalart58 taldearen diskoa masterizatu zuenean ezagutu genuen Dive. Noski, bere aurreko lanak ezagutzen genituen zegoeneko. Berarekin lan egitea oso erraza izan zen, laster baino lehen konektatu genuen eta oso ongi pasa genuen. Ekipo analogiko ona dauka eta hori zen bilatzen genuena eta berak asko daki horretaz. Bere lanarekin oso kontent gaude eta orain lagun ona da!

Diskoan Fermin Muguruzaren euskarazko kantu bat sartu duzue. Zer dela eta?
Beno, egia esateko, oso naturala izan da. Abesti baten letra lantzen ari ginen, baina entzuten genuen bakoitzean Ferminen kantu bat etortzen zitzaigun burura, egun batean Itaka Berriro-ren bertsio bat egitea planteatu genuen arte. Berarekin harremanetan jarri ginen eta baimena eskatu genion. Guretzako, hasieratik Fermin erreferentzia izan da musikaren alorrean.


2008KO APIRILA