Denboratxoa pasa da zuen bigarren diskoa atera zenuenetik. Oraindik arnasa gelditzen zaio Beautiful Scarsi edo dagoeneko ari zarete zerbait berria grabatzeko asmotan?

Bueno, berriki Three Singles EP izeneko lana kaleratu dugu, non bi kantu berri, bi bertsio (Cristina Aguilera-ren Beautiful eta Springsteen-en Hungry Heart) eta Sr. Lobok eta Deluxek egindako bi erremix sartu ditugun. Orain, urte berriarekin batera, lokalean sartu gara eta disko berriari begira konposatzen ari gara.

Antza denez, nahiko harrera ona izan du Beautiful Scarsek. Zer ekarri dio taldeari bigarren disko honek?

Gure itxaropen guztiak gainditu ditu izan duen harrerak. Bagenekien diskoa ona zela, seguru ginen disko on bat egin genuela, baina ez genuen uste horren harrera ona izanen zuela kritika eta publikoaren aldetik. Guretzako bide ona hartu izanaren konfirmazioa izan da. Disko honek